Shoqata e Kultivuesve Italianë (AIC) është një organizatë tregtare që lindi si një lëvizje fshatare në Italinë e Jugut. Kjo shoqatë u krijua në 9 tetor 1969.
Në krijimin dhe konsolidimin e AIC bëjnë pjesë figura të shquara të sipërmarrjes dhe bujqësisë italiane, si Gian Matteo Matteotti, themeluesi i organizatës, Pietro Longo, Ferdinando Amiconi, Anselmo Martoni, Filippo Caria e shumë figura të tjera politike që kanë kontribuar në rritjen e AIC.
AIC është një forcë shoqërore që ka punuar për më shumë se dyzet vjet për ta bërë bujqësinë një instrument që nxit zhvillimin e zinxhirit të prodhimit, mbrojtjen e mjedisit dhe rritjen e sigurisë ushqimore me qëllimin madhor zhvillimin e denjë e të ekuilibruar të shoqërisë.
Si sindikatë, AIC përfaqëson vlerat e fushës së bujqësisë, fermerëve të vegjël, sipërmarrësve, të vetëpunësuar, profesionistëve dhe teknikëve që punojnë në fusha që lidhen me sektorët e bujqësisë, agroushqimit dhe peshkimit në shkallë të vogël në sektorin kombëtar, BE dhe në nivel ndërkombëtar, si dhe institucionet që punojnë për zhvillimin ekonomik, rritjen e të ardhurave dhe rivlerësimin e rolit të bujqësisë në shoqëri, për rritjen e dinjitetit të bujqve dhe pjesëmarrjen e tyre aktive në jetën demokratike të vendit.
Sot AIC, përveç ofrimit të përfaqësimit të operatorëve bujqësorë, ofron asistencë dhe konsulencë për çështje si taksat, sindikatat, bujqësi në përgjithësi dhe certifikim për BE, në veçanti. A.I.C. e shtrin veprimtarinë e saj në të gjithë Italinë, ku bëjnë pjesë mbi 130,000 anëtarë e bashkëpunëtorë të saj si individë apo edhe organizata. Ndër qëllimet kryesore të AIC janë:
Shoqata ka luajtur gjithmonë rolin e interpretuesit të nevojave të botës bujqësore. Me këtë frymë, për vite me radhë ajo ka nisur rrugën e pjesëmarrjes aktive në sektorët përkatës për një shoqatë tregtare, por funksionale me qëllim përmbushjen e objektivave prioritare të saj – zhvillimi i bujqësisë dhe mbrojtja e trashëgimisë agroushqimore, për të cilën Italia është pararoja e botës.
